El salón d'actos de la Casa Conceyu de Lleón acoyó esti sábadu'l "I Día de la Llingua Lleonesa" qu'organizaba l'asociación cultural "El Fueyu" cola collaboración de delles instituciones y entidaes oficiales y nel que participaron les organizaciones Pro Monumenta, La Barda y El Toralín.

L'enfotu por "normalizar el lleonés na nuestra sociedá" proclamáu pol presidente de la organización convocante Héctor Alonso, foi l'exe d'esta xornada na que se rexistró abondancia de públicu y na que se lleeron discursos y testos lliterarios cola participación de personalidaes del mundu de la cultura, ente elles la historiadora Margarita Torres, el presidente de l'asociación Pro-Monumenta, Agustín Suárez, el profesor de filosofía Miguel Anta o'l periodista Emilio Gancedo. Nel actu presentóse tamién el llibru compilatoriu "Cuentos del Sil" qu'inxerta rellatos de nueve autores del Bierzu y que ye'l primer volume qu'asoleya l'asociación cultural "El Fueyu" en collaboración con "El Toralín" y la Diputación de Lleón