Abel Uxeniu Pardo

Llicenciáu en Márketing ya Inxenieiru Téunicu Agrícola, desenrolla un Doutoráu en Sociedá de la Información y la Conocencia y outru n’Integración Territorial y Desenvolvimientu Económicu. Ye Llauriandu en Llingua y Cultura Italiana pula Università di Pisa (Italia), y Advanced Certificate in General English pula University of the Sunshine Coast (Australia).

Monitor de Llingua y de Cultura Llïonesa, tien feichas más de 2.000 tornas al Llïonés y de 300 espublizaciones en prensa nel nuesu idioma, participandu nel llibru Cuentos de Lleón (1996). Ye autor del entamu na reedición del llibru Brañas d’antanu ya xente d’anguanu d’Eva González y Roberto González-Quevedo (2003).

Conceyeiru en Llión, emburrióu l’usu y ensiñu de la nuesa llingua y d’amuesas culturales cumu la Nuche Celta Llïonesa, el Festival Reinu de Llión ou las Xornadas d’Esaltación de la Cultura Tradicional. Encetóu’l Centru Formación, cunas estayas de Llingua, Música y Cultura Tradicional, y los Cursos de Llingua Llïonesa y de Monitores nesti idioma en conveniu cuna Universidá de Llión.