Roberto González-Quevedo

Nacíu en Palacios del Sil y estudióu en Madrid, onde se doctoróu n’Antropoloxía Cultural pola Universidad Autónoma en 1988, y n’Uviéu, doutoránduse tamién en Filoloxía Hispánica nel añu 2000. Yía miembru de l’Academia de la Llingua, yía cadralgu de Filosofía nel IES Pandu ya profesor de la Universidá d’Uviéu. Yía autor de mui bien d’oubras filolóxicas ya tamién de l.libros d’antropoloxía.

En cuantas al sou l.labor de creación lliteraria espublizóu del.los l.libros de la serie NA NUESA TSINGUA, en collaboración con Eva González, (Poesías ya cuentos, 1980; Poesías ya hestorias, 1980; Bitsarón, 1980; Xentiquina, 1883; Xeitus, 1985 ya Brañas d’antanu ya xente d’anguanu, 1990). La sua oubra narrativa editóuse nel volume Pol sendeiru la nueite (Ediciones Ámbitu, 2002).

En 1986 asolechóuse Inis Aión (L.libros de Frou, Uviéu), el sou primer l.libru de poesía, ya en 2002 salíu L.lume de l.luz (Academia de la Llingua, Uviéu). Ediciones Ámbitu editóu en 2004 Pan d’amore, antoloxía poética que recueche la sua oubra dispersa.