Teníamos que facere dalgu

EMILIO GANCEDO

L'outru día tuve en Furniella falandu cun xente bona, xente prestousa, xente de lu meyor. Chanu, Trescastru, Guímara... muitos d'eillos viven n'El Fabeiru. Allí mesmu charramos cun mayores y cun mozos. Mui amables, amás de cosillinas y alcordanzas sobru'l antroidu contánonme que en Trescastru dicen llobu y llume , pallabras qu'en Guímara son yá lobo y lume . «¿Vedes?», dixi a quienes taban cunmiéu: «Pa sabere dalgu, non hai ná meyor qu'entrugare». Al tirar pa casa, una d'aquellas presonas tan amables dixo: «Teníamos que facere dalguna cousa eiquí... estu non tenía que desapaecer».

Esi home fizu la gran entruga. Hai que facere dalgu, sí, peru, ¿el qué? ¿quién yía'l que tien la respuesta, el que cuñoz el bon camín? Quiciabes naide. Estu yía, tien que sere, cousa y causa de toos, de toos los llïoneses cun sensibilidá. Nun sólu dalgu pasáu, de ayeri, tamién, especialmente, sobru tou, de güei y de mañana. ¿La respuesta? Andare. Falare. Y sí. Facere dalgu.

Tornare