AYERI a la tarde dábanme la nueva. Eva González murríu. El sou propiu fiyu, Roberto, contóumelu. La verdá ye que l'asuntu non apaecía en nenguna de las axencias nacionales u internacionales. Claru, los sous llibros non salen en las llistas de autores y obras más vendías. Y los telediarios nunca-y dedicanon nin siquiera unos minutines a la cantora de Palacios del Sil. Nunca fuei a presentare un volume tras de una mesa nuna gran ciudá, nuna sala chena de xente. Pero las suas obras, los sous poemas, los sous cuentos, son auténticos, orixinales, fermosos... prestosísimos. D'una humanidá enorme y güei cuasi desconocía: tienen la capacidá d'espiertare en nós sentimientos de tenrura y d'amore pola mesma tierra y por toos los seres que n'eilla medran. Naide fízulu meyor. Eva murríu. Pero la sua cultura non va morrire. Non vamos permitilu. Ayeri tamién, un compañeiru del Diario, por teléfonu, dicía al sou fiyín: «Di-y a Milín cómu se diz lechuza en Palacios». Y él, con la sua vocecina, díxome: «Curuxa...».